काठमाडाैं – टोकियो ओलम्पिक खेल्न पुगेका युगान्डाका युवा भारत्तोलन खेलाडी शुक्रबारबाट गायब भएपछि यतिबेला उनको ब्यापक खोजि भइरहेको छ । तर उनले आफु बस्ने कोठामा एउटा नोट छोडेर गएका छन् । जसका उनले आफु जापानमा नै बस्न चाहेको उल्लेख गरेका छन् ।
अर्को साताबाट सुरु हुने ओलम्पिकका लागि जापान पुगेका भारत्तोलन खेलाडी जुलियुस शुक्रबार कोभिडको परिक्षणका लागि नआएपछि उनी भागेको थाहा भएको थियो । उनी ब स्ने कोठामा खानतलासी गर्दा उनले एउटा नोट खेलेर छोडेको पाइएको छ ।
जसमा उनले आफु जापानमा नै बसेर भविष्य बनाउन चाहेको उल्लेख गरेका छन् । उनले युगान्डामा बस्न कठिन भएको समेत बताएका छन् । २० बर्षे जुलियुस ओसाका नजिकै रहेको प्रशिक्षण स्थलमा तयारी गरिरहेका थिए । उनी टोकियो ओलम्पिक खेल्न नपाउने भएपछि यहि मंगलबार युगान्डा फर्किने तालिका थियो ।
तर उनले त्यहाँ नजिक रहेको ट्रेन स्टेसनमा नागोयाको टिकट काटेको देखिएको छ । एक महिना अगाडी जापान पुगेको युगान्डाको टिमका दुई जनामा कोरोना देखिएपछि केहि तनाव भएको थियो । तर अहिले फेरी उनी भाग्दा झन तनाव बढेको छ ।
