काठमाडौं – काठमाडौं उपत्यकामा थप ७११ जना कोरोना संक्रमित भेटिएका छन् । उपत्यकासहित आज देशभर १२०४ जनालाई कोरोना संक्रमण देखिएको छ । उपत्यकाका जिल्लाहरू काठमाडौंमा ५७० जना, ललितपुरमा ५८ जना र भक्तपुरमा ८३ जनामा कोरोना संक्रमण देखिएको हो ।
साथै पछिल्लो २४ घण्टायता नेपालमा थप १२०४ जनामा कोरोना संक्रमण पुष्टि भएको छ । यससँगै नेपालमा कोरोना संक्रमित हुनेको संख्या ६२७९७ पुगेको छ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टायता कोरोना संक्रमित १४४७ जना निको भएका छन् । यससँगै मुलुकमा कोरोना संक्रमणमुक्त हुनेको संख्या ४५२६७ पुगेको छ ।
हाल मुलुकमा सक्रिय संक्रमितको संख्या १७१२९ छ । त्यसमध्ये ९१५३ जना संस्थागत आइसोलेसनमा र ७९७६ होम आइसोलेसनमा रहेका छन् । क्वारेन्टिनमा हाल ७७३५ जना रहेका छन् । १७९ जनाको आईसीयू र ३५ जनाको भेन्टिलेटरमा राखेर उपचार भइरहेको छ ।
