५० प्रतिशत यात्रु बोकेर उडान भर्न सकिन्नँ : वायुसेवा सञ्चालक

काठमाडौं – निजी वायुसेवा कम्पनीहरूकाे छाता संगठन वायुसेवा सञ्चालक संघ नेपालले ५० प्रतिशतमात्रै यात्रु बोकेर उडान भर्न नसकिने जनाएको छ । आज एक विज्ञप्ति जारी गर्दै ५० प्रतिशत यात्रु बोकेर उडान भर्न संघमा आबद्ध सबै वायुसेवाहरूको असहमति रहेको जनाएको हो ।

५० प्रतिशतमात्र यात्रु लानुपर्ने अवस्थामा हवाई टिकटको मूल्य दोब्बर पर्ने भएकाले यात्रुले बेहोर्न नसक्ने भन्दै उडान खोल्नुको कुनै अर्थ नहुने विज्ञप्तिमा उल्लेख छ । संघले सरकारद्वारा तोकिएका सबै मापदण्ड पूरा गर्ने जनाउँदै पूर्णक्षमतामा यात्रु बोक्न पाउने व्यवस्था गर्न माग गरेको छ ।