भारतमा कोरोनाबाट मृत्यु हुनेको संख्या साढे ६८ हजार पुग्यो

काठमाडौं – भारतमा कोरोनाभाइरसको संक्रमण दर र मृतकको संख्या बढिरहेको छ । बिहीबार मात्रै त्यहाँ ८४ हजार १५६ जना नयाँ संक्रमित भेटिएका छन् । यो सँगै भारतमा संक्रमितको कुल संख्या ३९ लाख ३३ हजार १२४ पुगेको छ ।

कुल संक्रमितमध्ये हालसम्म ३० लाख ३४ हजार ८८७ जना संक्रमणमुक्त भइसकेका छन् भने ६८ हजार ५६९ जनाको मृत्यु भएको छ । हिजो मात्र त्यहाँ संक्रमणबाट १ हजार ८३ जनाको ज्यान गएको थियो ।

भारतमा कोरोनाबाट भएको मृत्युमध्ये आन्ध्र प्रदेश, दिल्ली, कर्नाटक, तमिलनाडु र महाराष्ट्रमा गरी ७० प्रतिशत रहेको त्यहाँको सरकारी आँकडाले देखाएको छ ।

कुल संक्रमितमध्ये भारतमा सक्रिय संक्रमित ८ लाख २९ हजार ६६८ जनाको उपचार चलिरहेको । तीमध्ये ८ हजार ९४४ जनाको अवस्था गम्भीर छ । –एजेन्सी