उपत्यकामा ६ सहित कोरोनाबाट एकैदिन १२ जनाको मृत्यु

काठमाडौं – काठमाडौं उपत्यकामा ६ सहित नेपालमा थप १२ जनाको मृत्यु भएको छ । काठमाडौं, भक्तपुर र ललितपुरमा ६ जनासहित पछिल्लो २४ घण्टामा १२ जनाको कोरोना संक्रमणबाट मृत्यु भएको हो ।

स्वास्थ्य तथा जनसंख्या मन्त्रालयका अनुसार, काठमाडौंमा दुई, ललितपुरमा दुई र भक्तपुरमा दुई जनाको संक्रमणबाट मृत्यु भएको हो । ५१ वर्षीय महिला र ८३ वर्षीय पुरुषको काठमाडौंमा, ७२ र ६१ वर्षीय पुरुषको ललितपुरमा र ६२ वर्षीय पुरुष र ६१ वर्षीया महिलाको भक्तपुरमा संक्रमणबाट मृत्यु भएको छ ।

पाल्पामा ३० वर्षीया महिलाको मृत्यु भएको छ । पर्सामा ४८ र ४९ वर्षीय पुरुष, गोरखामा ३८ वर्षीय पुरुष, र कास्कीमा ५८ वर्षीय पुरुषको संक्रमणबाट मृत्यु भएको छ । पछिल्लो २४ घण्टामा १२ जनाको मृत्यु भएपछि नेपालमा संक्रमणबाट मृत्यु हुनेको संख्या २०७ पुगेको छ ।