जापानका रेष्टुरेन्टको खानाको बिक्रिमा गिरावट

टोकियो – कोरोनाभाइरसका कारण मानिसहरु बाहिरको खानेकुरामा सजक हुँदा गत पाँच महिना देखि रेष्टुरेन्टको खानाको बिक्रिमा गिरावट आएको छ ।

त्यस्तै पछिल्लो तथ्यांक अनुसार जापानको प्रमुख चेन रेष्टुरेन्टहरुको जुलाईको बिक्रीमा पनि कमी नै देखियो ।

जापान खाद्य सेवा संघ अनुसार यो वर्षको आमदानी गत वर्षको तुलनामा १५ प्रतिशतले गिरावट आएको छ।

टेकआउट र होम डेलिभरीको बढ्दो बिक्रीका कारण फास्ट-फूड रेष्टुरेन्टहरुमा भने गिरावट ३ दशमलब ६ प्रतिशतको मात्र देखिएको छ। यद्यपि फ्यामिली रेष्टुरेन्ट, बार र पब भने फस्टाउन सकेको छैन ।

खाद्य सेवा संघ अनुसार महामारीको कारण रेस्टुरेन्ट उद्योग गम्भीर अवस्थामा रहेको र यस वर्षको लामो वर्षा ऋतुले पनि उद्योगमा असर पारेको छ।