९६ वर्षीया वृद्धाले जितिन कोरोना

काठमाडौँ – दक्षिण कोरियामा नोभेल कोरोना संक्रमण लागेकी ९६ वर्षीय वृद्धालाई उपचारपछि पूर्ण सञ्‍चो भएको छ ।

दक्षिण कोरियाकी सबभन्दा बढी उमेरकी चेङ्दो काउन्टी भनिने मिस ह्वाङलाई बुधबार कोरोना पूर्णरुपमा निको भएको घोषणा गरिएको हो ।

दक्षिण कोरियाको दक्षिणी सहर देगुमा बस्‍ने ती महिलालाई मार्च १३ मा कोरोना लागेको पुष्टि गरिएको थियो । देगु दक्षिण कोरियाको सबभन्दा बढी कोरोना प्रभावित क्षेत्र हो । उनको पोहाङ पब्लिक क्लिनिकमा आईसीयूमा राखेर उपचार गरिएको थियो । अहिले उनलाई उनकै घरमा सेल्फ-क्‍वारेन्टाइमा राखिएको छ ।