करण विष्टको “लव यू सो मच” ले चर्चा बटुल्दै (भिडियोसहित)

काठमाडौं –  करण विष्ट र अनु तामाङको आवाजमा रहेको गीत “लव यू सो मच” बोलको गीतले चर्चा बटुलिरहेको छ ।

सुनिता सापकोटाको शब्द रहेको गीतमा सुवास कार्कीको संगीत रहेको छ । निर्देशक सिर्जन बरालले निर्देशन गरेको गीतको म्युजिक भिडियोमा दुर्गेश थापा र अञ्जली अधिकारीको अभिनय रहेको छ ।

केही समय अघि मात्रै बजारमा आएको गीतलाई यो समाचार तयार पार्दासम्म करिब साढे ४ लाखले हेरिसकेका छन् । सुवास कार्कीको युट्युव च्यानलमार्फत बजारमा आएको गीतलाई राम्रो प्रतिक्रिया आएको छ । गीतमा सुरेश कार्कीको र्‍यापले गीत अझैं राम्रो बनेको छ । र त्यसैलाई दर्शक स्रोताले मन पराएका छन् ।