काठमाडौं – साउन २५ गतेदेखि प्रदर्शन हुने कमेडी फिल्म ‘पिरिम पर्या छन्’ को ट्रेलर शुक्रवार सार्वजनिक भएको छ । पुरन थापाको लेखन, निर्माण र निर्देशनमा बनेको फिल्मको ट्रेलर ओएरआर डिजिटलबाट सार्वजनिक गरिएको हो ।
झन्डै साढे दुई मिनेट लामो ट्रेलरमा दिलीप रायमाझी, जयकिसन बस्नेत, शुभेच्छा थापा, सुवास मेचे,रमेश बुढाथोकी, सोभित बस्नेत, राजाराम पौडेल, चाँदनी कोइराला,उमा कार्की,लय संग्रौला,पूरण थापा,सुरवीर पण्डितका कलाकार प्रस्तुत भएका छन् ।
माता बसुन्धरा मुभीज र बन्धु फिल्मस्को संयुक्त प्रस्तुति रहेको फिल्म बिमल ढकालले खिचेका हुन् । गाउँले परिवेशको कथामा निर्माण गरिएको फिल्ममा विकास चौधरी र विनोद भुजेलको सङ्गीत र बाबु बलामीको द्धन्द्ध छ ।
फिल्मलाई सुनिल मानन्धर र रोहित–रत्नले वितरण गर्दै छन् । यसअघि कमेडी फिल्म कान्छी मट्याङ ट्याङ निर्माण गरेका पूरण ‘पिरिम पर्या छन्’ प्रदर्शनपछि अर्को फिल्म ‘फेरि फेरि’ दर्शक माझ ल्याउने योजनामा छन् । ‘फेरि फेरि’ मा अर्पण थापा र ऋचा शर्मा मुख्य भूमिकामा छन् ।
