मान्छेलाई मर्न दिने कि नदिने ?, सर्वोच्चले माग्यो एमिकस क्युरी

काठमाडौं – अशक्त व्यक्तिहरुले मर्न चाहेमा सोबमोजिम गर्न दिनका लागि कानुन बनाउन आदेश दिने वा नदिने भन्ने सम्बन्धमा छलफल गर्न सर्वोच्च अदालतले नेपाल बार एसोसिएसन र सर्वोच्च अदालत बार एसोसिएसनसँग तीन जनाको दरले एमिकस क्युरी (अदालती सहयोगी) पठाउन आग्रह गरेको छ ।

न्यायाधीशहरु गोपाल पराजुली र चन्द्रशमशेर जबराको संयुक्त इजलासले सो अनुरोध गरेको हो । मर्न चाहेमा उनीहरुलाई सोबमोजिम गर्न दिनका लागि आवश्यक कानुन बनाउन आदेशको माग गर्दै सर्वोच्च अदालतमा रिट निवेदन दायार गरिएको थियो ।

सो बिषय गम्भीर प्रकृतिको भएको उलेख गर्दै सर्वोच्च अदालतले त्यस बारेमा छलफल गर्न एमिकस क्युरी पठाउन नेपाल बार र सर्वोच्च बारलाई अनुरोध गरेको हो ।