संसद्को हिउँदे अधिवेशन माघ १८ मा बोलाउने मन्त्रिपरिषदको निर्णय

समाचार सुन्नुहोस : 

काठमाडौँ – मन्त्रिपरिषद्को सोमबार बसेको बैठकले संघीय संसद्को हिउँदे अधिवेशन माघ १८ गतेदेखि बोलाउने निर्णय गरेको छ। बैठकले उक्त निर्णयलाई कार्यान्वयनका लागि राष्ट्रपतिसमक्ष सिफारिस गर्ने सहमति गरेको एक मन्त्रीले जनाएका छन्। नेपालको संविधानअनुसार, मन्त्रिपरिषद्को सिफारिसमा राष्ट्रपतिले संघीय संसद्को अधिवेशन आह्वान गर्ने व्यवस्था रहेको छ।

सोमबार नै संसद् अधिवेशन बोलाउनेबारे प्रधानमन्त्री केपी शर्मा ओली र सभामुख देवराज घिमिरेबीच समेत छलफल भएको थियो। यसअघि, हिउँदे अधिवेशन समयमा नभएको भन्दै विपक्षी दलहरूले सरकारमाथि कडा आलोचना गर्दै आएका थिए।