अधिवक्ता त्रिपाठीमाथि कुटपिट गरेको आरोपमा एक महिला पक्राउ

समाचार सुन्नुहोस : 

काठमाडौँ – वरिष्ठ अधिवक्ता दिनेश त्रिपाठीमाथि आक्रमण गरेको आरोपमा शीतल राई उर्फ सीता देवी राई पक्राउ परेकी छन्। झापाको बुद्धशान्ती गाउँपालिका–४ घर भई हाल काठमाडौं–३२ शान्तीनगरमा बसोबास गर्ने ५५ वर्षीया राईलाई प्रहरीले हिजो नियन्त्रणमा लिएर सिंहदरबार प्रहरी वृत्तमा राखी थप अनुसन्धान गरिरहेको जनाएको छ।

माघ २ गते जिल्ला अदालत परिसरमा अधिवक्ता त्रिपाठीमाथि भएको आक्रमणमा शीतल राई संलग्न भएको आरोप लगाइएको छ। सो घटना राष्ट्रिय स्वतन्त्र पार्टीका सभापति तथा पूर्व गृहमन्त्री रवि लामिछाने प्रतिवादी रहेको स्वर्णलक्ष्मी सहकारी ठगी प्रकरणमा पीडितको पक्षमा त्रिपाठीले गरेको बहससँग जोडिएको छ। यसअघि, त्रिपाठीमाथि आक्रमणमा संलग्न दुई जना व्यक्ति पक्राउ परिसकेका छन्।