समाचार सुन्नुहोस :
काठमाडौँ – आइसिसी यू–१९ टी–२० महिला विश्वकपको पहिलो खेलमा नेपाल बंगलादेशसँग ५ विकेटले पराजित भएको छ। ५३ रनको सामान्य लक्ष्य पछ्याएको बंगलादेशले १३.२ ओभरमा ५ विकेट गुमाएर पुरा गर्यो।
बंगलादेशको जितमा मध्यक्रमकी ब्याटर सदिया इस्लामले सर्वाधिक १६ रन बनाउँदा कप्तान सुमिया अख्तरले १२ रन बनाइन्। नेपालको बलिङले शुरुवातमा बंगलादेशलाई दबाबमा राख्दै विकेट लिने प्रयास गरे पनि कमजोर लक्ष्य नै पराजयको मुख्य कारण बन्यो। नेपालका लागि रचना चौधरी, रिया शर्मा, सिमना केसी र पुजा महतोले समान १–१ विकेट लिए।
यसअघि टस गुमाई ब्याटिङ थालेको नेपाल १८.२ ओभरमा मात्र ५२ रन बनाउँदै अलआउट भयो। कमजोर प्रदर्शनका कारण नेपालका पाँच खेलाडी रनआउट भए भने केवल साना प्रभिन (१९ रन) र सिमना केसी (१० रन) ले मात्र दोहोरो अंकको स्कोर बनाए। बंगलादेशका बलरहरूमध्ये जनतुल्लाह मौवाले २ विकेट लिए भने अनिसा अख्तर सोब, फअमिदा चोया र निसता अख्तरले समान १–१ विकेट लिए।
