तत्काल समाजवादी मोर्चामा नजाने उपेन्द्र यादवको घोषणा

समाचार सुन्नुहोस : 

काठमाडौँ – जनता समाजवादी पार्टीका अध्यक्ष उपेन्द्र यादवले हाललाई समाजवादी मोर्चासँग सहकार्यको कुनै योजना नभएको बताएका छन्। शनिबार लहानमा बलिदान दिवसको अवसरमा शहीदको प्रतिमामा माल्यार्पण गरेपछि सञ्चारकर्मीसँग कुराकानीमा उनले प्रतिपक्षी दलहरूले मोर्चालाई सक्रिय बनाउन प्रयास गरे पनि आफू तत्कालै सहभागी हुने अवस्थामा नरहेको स्पष्ट पारे।

अध्यक्ष यादवले संघीय लोकतान्त्रिक गणतन्त्र स्थापना गर्न मधेस आन्दोलनको महत्वपूर्ण योगदान रहेको पनि उल्लेख गरेका छन्। मधेस प्रदेश सरकारले मधेस आन्दोलनका पहिलो शहीद रमेश महतोको सम्झनामा प्रत्येक वर्ष माघ ५ गते बलिदान दिवस मनाउँदै आएको छ।