समाचार सुन्नुहोस :
काठमाडौँ – तनहुँको आँबुखैरेनी गाउँपालिका–१ आँधीखोलामा आज बिहान इँटा बोकेको ट्रक दुर्घटनामा दुई जनाको ज्यान गएको छ। ट्रक चालक ३० वर्षीय भेषराज पराजुली र सहचालक २८ वर्षीय विजय विश्वकर्माको मृत्यु भएको जिल्ला प्रहरी कार्यालय तनहुँका प्रहरी निरीक्षक मुनेन्द्र थापाले जानकारी दिएका छन्।
डुम्रेबाट आँबुखैरेनी जाँदै गरेको स्करपियो (बा प्र ०१–००१ य १६५९) लाई विपरीत दिशाबाट आएको ट्रक (ए २–०३००–१ केएच २४४८) ले ठक्कर दिएको थियो। ठक्करपछि ट्रक पुलको बीच भागबाट खस्दा दुर्घटना भएको हो। स्करपियोमा रहेका चार जना भने सकुशल रहेको बताइएको छ। दुर्घटनामा परेको ट्रकलाई क्रेनमार्फत हटाइएको छ।
