काठमाडौं – वैवाहिक जीवनमा जब फाटो आउन थाल्छ, तब श्रीमान् र श्रीमतीले एक-अर्कामा आफूले गरेको योगदान र आफूमात्र ठिक भन्ने भावना जागृत हुन थाल्छ । अन्ततः यहि प्रसंग नै सम्बन्ध बिच्छेदको मुल कारण बन्न पुग्छ ।
यही सन्देश बोकेको सत्य घटनामा आधारित गीत गीत ‘एक दिन…’ मार्फत गायक जोहेब मानन्धर तथा गायिका मिलन नेवार दर्शक तथा स्रोतामाझ आएका छन् । गायक मानन्धरकै शब्द तथा संगीत रहेको यो गीतलाई सन्दिप कार्कीले एरेन्ज गरेका छन् ।
हाईटेक इन्टरटेन्मेन्टको प्रस्तुति रहेको यो गीतको भिडियोमा अभिनेता कर्मा शाक्य तथा मोडल रुबिना थापाको जीवन्त अभिनय गरेका छन् । कविराज गहतराजको निर्देशन, दुर्गा पौडेलको छायांकन, मित्र डी गुरुङको सम्पादन रहेको भिडियो गायक मानन्धरकै कथा तथा अवधारणामा तयार पारिएको हो ।
नेपाली सांगीतिक क्षेत्रमा लामो समयदेखि सक्रिय गायक मानन्धरलाई दर्शक तथा स्रोताले ‘म यस्तो गीत गाउन्छु तिम्रो चाहनामा’ गीतका कारण सम्झने गर्छन् । उनी गायनका साथै संगीतकार तथा गीतकारको रुपमा समेत स्थापित छन् ।
