समाचार सुन्नुहोस :
काठमाडौँ – ललितपुरको हात्तीवनस्थित सोफा बनाउने सिक्मा मेटल इन्टेक्समा शनिबार बिहान भएको आगलागीमा काभ्रेपलाञ्चोकको पाँचखालका राजु ठकुरी भनिने भोजबहादुर पहरीको मृत्यु भएको छ ।
मृतकका परिवारले उनको शव पहिचान गरेको जिल्ला प्रहरी परिसर ललितपुरका प्रवक्ता प्रहरी उपरीक्षक नरेशराज सुवेदीले बताए । पहरी सोही कारखानामा कार्यरत थिए । आगलागीबाट १० लाख बढीको क्षति भएको प्रवक्ता सुवेदीले बताए ।
विद्युत् चुहिएर आगलागी भएको हो । आगलागीबाट सोफा तथा तिनलाई बनाउन प्रयोग गरिने कच्चा पदार्थ नष्ट भएको छ ।