यामानाशीको बगैचाबाट ५ हजार आरु चोरी

टोकियो – जापानको यामानाशी प्रान्तको फुएफुकी शहरको एउटा बगैचाबाट यस हप्ता करिब ५ हजार आरु चोरी भएको छ । एक किसानले प्रहरीलाई फोन गरेरआरु चोरी भएको सूचना दिएका थिए ।

जुन २१ मा आएको सूचनाका आधारमा अनुसन्धान गर्दा करिब ५ हजार आरु हराएको देखिएको हो । आरुहरू मिसाका हाकुहो नामक प्रजाति हुन् । चोरी भएको फलको मूल्य १५ लाख येन रहेको अनुमान गरिएको छ ।

कृषकहरूले सामान्यतया हाँगाहरूबाट फल होसियारीपूर्वक टिप्छन् । त्यहाँ भने रूखका हाँगाहरू भाँचिएका थिए, पातहरू पनि छरिएका थिए ।