राष्ट्रपति पौडेलद्वारा पृथ्वीनारायण शाहको शालिकमा माल्यार्पण

समाचार सुन्नुहोस : 

काठमाडौँ – आज पुस २७ गते देशभर ३०३औँ पृथ्वी जयन्ती तथा राष्ट्रिय एकता दिवस विविध कार्यक्रमका साथ मनाइँदैछ। यस अवसरमा राष्ट्रपति रामचन्द्र पौडेलले  राष्ट्रनिर्माता पृथ्वीनारायण शाहको सालिकमा पुष्पमाल्यार्पण गरी सम्मान व्यक्त गरेका छन्।

शनिवार पौडेलले राष्ट्रनिर्माता शाहको सिंहदरबार मुल गेट अगाडि रहेको शालिकमा माल्यार्पणसहित पुष्पगुच्छा अर्पण गरेका हुन्। नेपाली सेनाले सलामी अर्पण गरेर सम्मान प्रकट गरेको थियो। यस अवसरमा राजनीतिक दलहरूले विभिन्न कार्यक्रमको आयोजना गरेका छन्।