अस्ट्रेलियन ओपनमा ओसाका विजयी

काठमाडाैं – स्पेनिस राफेल नडालले वर्षको पहिलो ग्रान्ड स्लाम टेनिस अस्ट्रेलियन ओपनमा सोमबार सानदार सुरुआत लिएका छन् । विश्व नम्बर एक खेलाडी नोभाक जोकोभिचको प्रवेशाज्ञा रद्दको घटनाक्रमका कारण मैदानबाहिरको चर्चामा सीमित प्रतियोगिता अब भने कोर्टमा सुरु भएको छ ।

महिलातर्फ डिफेन्डिङ च्याम्पियन नाओमी ओसाकाले पनि विजयी सुरुआत लिएकी छन् । जोकोभिचको अनुपस्थितिमा कीर्तिमान २१ औं ग्रान्ड स्लाम उपाधि जित्ने अभियानमा रहेको नडालले ६६ औं वरीयताका अमेरिकी मार्कोस गिरोनलाई ६-१, ६-४, ६-२ ले पराजित गरे ।

महिलातर्फ जापानकी ओसाकाले कोलम्बियाकी मारिया क्यामिला ओसोरियोलाई सजिलै ६-३, ६-३ ले हराइन् । सन् २०२१ मा मानसिक दबाबका कारण धेरै समय नेखेलेकी ओसाका अहिले १३ औं वरीयतामा छिन् ।