टोकियो – नेपाली जनप्रगतिशील मञ्च जापानको क्षेत्रीय समिति सेन्दाईले एनआरएनए एसएनएफसी (NRNASNFC)लाई जर्सी हस्तान्तरण गरेको छ । आज सेन्दाईमा आयोजित एक कार्यक्रमबीच जनप्रगतिशील मञ्च सेन्दाईका अध्यक्ष तेज दाहालले एनआरएनए एसएनएफसीका कप्तान दिनेश शर्मालाई जर्सी हस्तान्तरण गरेका हुन् ।
नेपाली जनप्रगतिशील मञ्च जापानको केन्द्रीय अध्यक्ष भवानी पन्त, सल्लाहकार समिति संयोजक तथा निवर्तमान अध्यक्ष हवलचन्द्र लामा र सेन्दाई क्षेत्रीय समिति इन्चार्ज बिनुका खड्काको सल्लाहमा उक्त सामग्री हस्तान्तरण गरिएको अध्यक्ष तेज दाहालले जानकारी दिए । खेलकुद सामग्री हस्तान्तरण कार्यक्रममा क्षेत्रीय अध्यक्ष दाहाल, सचिव छिरिङ तामाङ, सहसचिव साबित्रा नेपाली र कोषाध्यक्ष युधिर भुजेल लगायतको उपस्थिति रहेको थियो ।
पोसाक ग्रहण गर्दै टीम कप्तान वीरेन्द्र शर्मा साथै टीमका खेलाडीहरूले खुसी व्यक्त गर्दै जनप्रगतिशील मञ्च सेन्दाईलाई खेलकुदको क्षेत्रमा सहयोग गरेकोमा आभार प्रकट गर्दै निरन्तर सहकार्य गर्ने प्रतिबद्धता व्यक्त गरेका थिए । उक्त कार्यक्रमै मञ्च क्षेत्रीय समितिको मोना गाेल्डकपमा मा सहभागी हुने खेलाडीलाई बिदाइ गरिएको ।
१४ जना खेलाडी रहेको उक्त क्लबलाई बिदाइ र खेलकुद सामग्री हस्तान्तरण कार्यक्रममा बोल्दै सेन्दाई अध्यक्ष दाहालले सहयोग गर्ने सबै क्षेत्रीय कमिटीहरू, केन्द्र कमिटी साथै सेन्दाईमा रहेका संस्थालाई धन्यवाद व्यक्त गरे । यस्ता सामाजिक कार्यमा आफू र आफ्नो संगठन सधैँ सेन्दाईवासीको साथमा रहेको कुरा पनि उनले बताए ।
