बेइजिङ ओलम्पिकमा सरकारी अधिकारी नपठाउने जापानको निर्णय

टाेकियाे – आगामी फेब्रुअरीमा चीनमा हुन गइरहेको विन्टर ओलम्पिकमा जापानले सरकारी अधिकारी नपठाउने भएको छ । जापानी सञ्चारमाध्यमहरूका अनुसार जापानले वरिष्ठ सरकारी अधिकारीहरुलाई विन्टर ओलम्पिकमा नपठाउने निर्णय गरेको हो ।

यसअघि पनि अमेरिकालगायतका केही मुलुकले कूटनीतिकरूपमा बेइजिङ विन्टर ओलम्पिक बहिस्कार गर्ने निर्णय गरेका थिए । जापानका खेलाडीले भने यसमा भाग लिनेछन् । यसअघि अष्ट्रेलिया, बेलायत र क्यानडाले पनि विन्टर ओलम्पिक कूटनीतिकरूपमा बहिस्कार गर्ने घोषणा गरिसकेका छन् ।

चीनले कूटनीतिकरूपमा ओलम्पिक बहिस्कार गर्ने निर्णयको आलोचना गर्दै खेलमा राजनीतिकरण गर्न नहुने बताउँदै आएको छ ।