रोनाल्डोको पेनाल्टी गोलमा युनाइटेडको जित

काठमाडौँ – इंग्लिस प्रिमियर लिगमा म्यानचेस्टर युनाइटेडले नर्विच सिटीलाई पराजित गरेको छ । गएराति भएको खेलमा युनायटेडले नर्वित सिटीलाई १–० गोल अन्तरले पराजित गरेको हो ।

युनाइटेडमो जितमा पोर्चुगिज सुपरस्टार फरवार्ड क्रिस्टियानो रोनाल्डोले गोल गरे । उनले दोस्रो हाफमा पेनाल्टीमार्फत गरेको गोल नै निर्णायक बन्यो । यो जितसँगै युनाइटेड १६ खेलबाट २७ अंक जोडेर पाँचौ स्थानमा रहेको छ । पराजित नर्विच १० अंक जोडेर पुछारमा रहेको छ ।