बेलायत जाने यात्रुले अनिवार्य कोरोना परीक्षण गराउनुपर्ने

काठमाडौं – बेलायतको यात्रा गर्ने यात्रुले अनिवार्य कोरोना परीक्षण गराउनुपर्ने भएको छ । सरकारले डिसेम्बर ७ देखि यात्रा गर्ने यात्रुको लागि उक्त नियम अनिवार्य गरेको हो ।

यस्तै, बेलायत पुगेपछि पनि कोरोना परीक्षण गराउनुपर्ने छ । कोरोनाको नयाँ भेरियन्ट ओमिक्रोनलाई ध्यानमा राख्दै बेलायत सरकारले नयाँ नियम लागु गरेको हो । बेलायतमा यात्रुहरूले कोरोना परीक्षणको नतिजा नआएसम्म सेल्फ आइसोलेसनमा बस्नु पर्नेछ ।

परीक्षणको नतिजा नेगेटिभ आएपछि यात्रुहरूले सेल्फ आइसोलेसन अन्त्य गर्न सक्छन् । साथै, बेलायत पुग्दा यात्रुले प्यासेन्जर लोकेटर फारम पनि भर्नुपर्नेछ ।

यता, बेलायत सरकारले नाइजेरियालाई रातो सूचीमा राख्ने निर्णय गरेको छ । यसअघि बेलायतले दक्षिण अफ्रिका, नाइजेरिया, नामिबिया, जिम्बाब्वे, बोत्सवाना, लेसोथो, अंगोला, मोजाम्बिक, मलावी, जाम्बिया र इस्वाटिनी रातो सूचीमा राखेको थियो ।