ईपीएलमा विराटनगर र काठमाडौं तथा चितवन र ललितपुर भिड्दै

काठमाडौं — एभरेष्ट प्रिमियर लग क्रिकेटमा आज पनि २ वटा खेल हुने भएका छन् ।  पहिलो खेलमा विहान साढे ९ बजे विराटनगर वारियर्स र काठमाडौं किंग्स इलाभने आमने सामने हुने छन् ।

करण केसीको कप्तानीमा रहेको विराटनगरले अहिलेसम्म चार खेलमै पराजय भोग्दै प्रतियोगिताबाट बाहिरिसकेको छ । उता काठमाडौंले अहिलेसम्म १ खेलमा मात्रै जित निकाल्दै तालिकाको पाँचौं स्थानमा छ । आजको खेलमा काठमाडौं विजयी भए प्ले अफ पुग्ने सम्भावना बाँकी नै हुने छ  पराजित हुँदा सन्दीप लामिछानेको कप्तानीमा रहेको काठमाडौंलाई पनि समस्या बढ्ने छ ।

उता दिउँसो साढे १ बजे चितवन टाइगर्स र ललितपुर प्याट्रियोट्स आमने सामने हुने छन् । चितवनले लगातार जित निकाल्दै ६ अंकका साथ आफूलाई तालिकाको शीर्ष स्थानमा राखेको छ । यसैगरी ललितपुर अहिलेसम्म ४ खेलबाट ३ अंक जोड्दै तालिकाको चौथो स्थानमा छ ।