च्याम्पियन्स लिगमा चेल्सी र युभेन्ट्सको विजयी सुरुआत

काठमाडौं – इंग्लिस क्लब चेल्सी र इटालियन क्लब युभेन्ट्सले यूईएफए च्याम्पियन्स लिगमा विजयी सुरुआत गरेका छन् ।

समूह एचअन्तर्गत मंगलबार राति भएको खेलमा चेल्सीले रसियन क्लब जेनिथ सेन्ट पिटर्सवर्गलाई १-० ले हरायो ।

चेल्सीलाई घरेलु मैदान स्टानफोर्ड ब्रिजमा जित जिलाउन रोमेलु लुकाकुले एक गोल गरे । उनले खेलको ६९औं मिनेटमा सेजार एजप्लिकुएटाको पासमा गोल गरे ।

उता युभेन्ट्सको जितमा एलेक्स सान्ड्रोले २३औं, पाउलो डिबलाले ४५औं र अल्भारो मोराटाले पहिलो हाफको इन्जुरी टाइममा गोल गरे । जितपछि दुवै टिमले ३-३ अंक जोडेका छन् ।