टोक्यो पाराओलिम्पिक्स: पलेशा रिपेचेजको फाइनलमा

काठमाडौँ – नेपालकी पलेशा गोवर्द्धन टोकियो पारालिम्पिकको तेक्वान्दोमा रेपेचेजतर्फ फाइनलमा प्रवेश गरेकी छन् । रेपेचेजको सेमीफाइनलमा सर्बियाकी मारिया मिसेभलाई हराउँदै पलेशा कांस्य पदकको नजिकै पुगेकी हुन् ।

उनले कांस्यका लागि चीनकी युजी लीसँग खेल्नेछिन् । पलेशा महिला के-४४ विधाको ५८ केजी तौल समूहको पहिलो खेलमा बेलायतकी बेथ मुनरोसँग पराजित भएकी थिइन् ।

पलेशाले रेपेचेजतर्फ क्वाटरफाइनलमा अमेरिकी खेलाडीलाई पराजित गरेर सेमीफाइनल पुगेकी थिइन् । सेमीफाइनलमा उनले सर्बियाकी मिसेभलाई हराएकी छन् ।