विश्वकप २०२२ को लागि कतारमा टोपीको डिजाईनमा रंगशाला

काठमाडौं – सन् २०२२ को विश्वकप कतारले आयोजना गर्दैछ । त्यसका लागि कतारले ८ वटा बडेमानका आश्चर्यजनक रंगशालाहरु निर्माण गरेको छ । ती सबै रंगशालाहरु कतारले १० बिलियन अमेरिकी डलरको लागत बनाएको हो ।

अल थुमामा रंगशाला

यो रंगशालाको दर्शक क्षमता ४०,००० रहेको छ । अल थुमामा रंगशाला कतारको राजधानी सहर दोहाबाट लगभग ५ किलोमिटर दक्षिण पर्दछ । यसको डिजाईन गाफिया टोपीसंग मिल्दोजुल्दो छ ।

यो टोपी त्यहाँको केटाहरुले लगाउने धार्मिक आस्था बोकेको मध्ये पूर्वी भागको चर्चित टोपी हो । यसको पनि अल जनोउब रंगशालाको जस्तै भित्रि छाना अत्यन्तै आकर्षक छन् भने बाहिर केही रमाईला बगैँचाहरु छन् । यो रंगशालाको निर्माण सन् २०१७ देखि प्रारम्भ गरेर सन् २०२० नोभेम्बर मा आधिकारिक रुपमा पुरा भएको थियो ।