टोकियो ओलम्पिक : अस्ट्रेलियाको विश्व कीर्तिमान

काठमाडाैं – जापानमा जारी टोकियो ओलम्पिकमा पौडी अन्तर्गत महिला ४ गुणा १०० मिटर फ्रि स्टाइलमा अस्ट्रेलियाले विश्व कीर्तिमानसहित स्वर्ण पदक हात पारेको छ ।

उसले आइतबार टोकियो अक्वाटिक्स सेन्टरमा ३ मिनेट २९.६९ सेकेन्डको समय निकाल्दै आफ्नै नाममा रहेको ३ मिनेट ३०.०५ सेकेन्डको कीर्तिमान तोडेको हो ।

महिला ४ गुणा १०० मिटर फ्रि स्टाइलमा क्यानडाले रजत र अमेरिकाले कास्य पदक हात पार्‍याे ।