फुटबल प्रशिक्षक अलमुताइरीले राजीनामा दिँदै

काठमाडाैं – नेपाली राष्ट्रिय पुरुष फुटबल टिमका प्रमुख प्रशिक्षक अबदुल्लाह अलमुताइरीले राजीनामा दिने भएका छन् । उनले एन्फामा आफूले राजीनामा बुझाउन गइरहेको बताएका छन् ।

अखिल नेपाल फुटबल संघ, एन्फाका वरिष्ठ उपाध्यक्ष पंकजविक्रम नेम्वाङका कारण आफूले राजीनामा दिन लागेको पनि खुलाएका छन् । वरिष्ठ उपाध्यक्ष नेम्वाङले आफूलाई नाटक देखाइरहेको भन्दै उनले राजीनामा दिन लागेका हुन् ।

अलमुताइरीले सामाजिक सञ्जालमा स्टाटस लेख्दै आफूले नेपालको प्रमुख प्रशिक्षक पदबाट राजीनामा दिन गइरहेको बताएका छन् । उनले पछिल्लो ३ सातामा वरिष्ठ उपाध्यक्ष नेम्वाङले आफूलाई नाटक देखाइरहेको बताएका छन् ।