टोकियो ओलम्पिक : चानूले दिलाइन् भारतलाई पहिलो पदक

काठमाडाैं – टोकियो ओलम्पिकमा भारतकी मिराबाई चानूले रजत पदक जितेकी छन् । मिराबाईले भारोत्तोलनको महिला ४९ केजी तौल समूहमा कुल २०२ किलो तौल उठाउँदै रजत पदक जितेकी हुन् ।

उक्त प्रतिस्पर्धामा चीनकी होउ जिहूईले २१० किलो तौल उठाएर ओलम्पिक कीर्तिमानसहित स्वर्ण पदक जितिन् । उनले क्लिन एण्ड जर्कमा पनि ११६ किलो तौल उठाएर ओलम्पिक कीर्तिमान बनाइन् ।

इन्डोनेसियाकी कैटिका विन्डीले काश्य पदक जितिन् । जारी ओलम्पिकमा अहिलेसम्म २ स्वर्ण र १ कांस्यसहित चीन पहिलो स्थानमा छ ।