टोक्यो ओलम्पिकमा सहभागी हुने थप १ खेलाडीमा कोरोना

काठमाडाैं – टोक्यो ओलम्पिकमा सहभागी हुने थप १ खेलाडीमा कोरोना संक्रमण पुष्टि भएको छ । पछिल्लाे पटक संक्रमित हुने खेलाडीको नाम गोप्य राखिए पनि अमेरिकी जिम्न्यास्ट खेलाडी भएको बुझिएको छ ।

उनलाई कुनै लक्षण नदेखिए पनि कोरोना परीक्षण गर्दा कोभिड पुष्टि भएको हो । संक्रमण पुष्टि भएसँगै उनीहरु सबै आइसोलेट भइसकेको टोक्यो ओलम्पिकले जनाएको छ ।

एकैदिन एक खेलाडीसहित ७ जना कन्ट्रयाक्टर र एक जना भोलिन्टियरलाई कोरोना संक्रमण पुष्टि भएको हो । योसँगै टोकियो ओलम्पिकमा सहभागी हुने ६७ जनालाई कोरोना संक्रमण भएको छ ।