खेलाडी कति दुःखी छन् शब्दमा भन्न सकिँदैन : कप्तान अरूणा

काठमाडौं – एक महिनादेखि कडा मिहिनेत गरिरहेको नेपाली महिला भलिबल टिमले फिलिपिन्समा भदौ ३ बाट हुने एभिसी एसियन च्याम्पियनसिप खेल्न नपाउने भएको छ ।

कोभिड-१९ का कारण रेड जोनमा रहेका नेपाललगायतका टिमको नाम नराखी आयोजकले समूह विभाजन गरेको थियो।

‘पहिलोपटक खेल्न लागेको प्रतियोगिताका लागि कत्रो सपना, मिहिनेत सबै सकियो । खेलाडी सबै दुःखी छन् । म शब्दमा भन्नै सक्दिनँ,’ कप्तान अरूणा शाही भन्छिन् ।