जापान पुगेपछि अभ्यासमा जुटे पौडीका गौरिका र एलेक्स

टोकियो – टोकियो ओलम्पिकका लागि जापान आइपुगेका नेपाली पौडी खेलाडीहरुले अभ्यास सुरु गरेका छन् । एयरपोर्टमा कोरोना परिक्षणको नतिजा नेगेटिभ आएपछि तोकुशिमा आएर नेपाली पौडी खेलाडी गौरिका सिह र अलेक्जेन्ड शाह (एलेक्स) लेतोकुशिमा स्थित रामोतो स्विमिङ पुलमा अभ्यास सुरु गरेका हुन् ।

तोकुशिमामा आईपुग्दा नेपाली खेलाडीलाई भव्य स्वागत गरिएकोमा गौरिका सिंहले तोकुशिमाबासिसहित जापानलाई आभार व्यक्त गरेकी छिन् । नेपाल ओलम्पिक कमिटी (एनओसी) र तोकुशिमा प्रान्तबीच टोकियो ओलम्पिकमा सहकार्य गर्ने सहमतिपछि जापानको वातावरण मिलाउन दुवै खेलाडीलाई दुई हप्ता अगाडी नै अभ्यासका लागि तोकुशिमा आएका हुन् । टोकियो ओलम्पिकमा गौरिका र एलेक्स दुवैले १ सय फ्रिस्टाईलमा प्रतिस्पर्धा गर्नेछन् ।