राम्रो साथी इरिक्सन आजको खेलमा नहुँदा दुःख लागेको छ : केन

काठमाडाैं – इङ्ल्यान्डका कप्तान ह्यारी केनले आजको खेलमा डेनमार्कका क्रिष्टियन इरिक्सन टिममा नहुँदा दुःख लागेको बताएका छन् ।

फिनल्यान्डविरुद्धको पहिलो खेलमा इरिक्सन हृदयघातका कारण मैदानमै ढलेका थिए । त्यसपछि इरिक्सन मैदानबाहिर छन् ।

टोटेनह्यामका पूर्वसहकर्मीबारे केनले थपे, ‘डेनमार्कको सफलतामा उनी एक मुख्य पात्र थिए । उनीलाई जे भयो त्यो दुःखद हो। तथापि उनी ठीक भएका छन्। राम्रो साथी आजको खेलमा नहुँदा दुःख लागेको छ ।’