नेइमार भन्छन्- कोपा अमेरिकाको फाइनलमा अर्जेन्टिना नै होस्

काठमाडाैं – ब्राजिलका फरवार्ड नेइमारले कोपा अमेरिकाको फाइनलमा अर्जेन्टिनाविरुद्ध खेल्ने चाहना व्यक्त गरेका छन् ।

सोमबार बिहान पेरुलाई १-० ले हराउँदै ब्राजिलले फाइनलमा स्थान बनाएको छ । दोस्रो सेमिफाइनलमा लियोनल मेस्सीको अर्जेन्टिनाले कोलम्बियाविरुद्ध खेल्दैछ ।

नेइमार भन्छन्,‘फाइनलमा अर्जेन्टिना होस भन्ने चाहन्छु । दोस्रो सेमिफाइनलमा अर्जेन्टिनाको लागि कामना गर्छु । अर्जेन्टिनाका साथीहरूविरुद्ध फाइनल खेल्न चाहन्छु ।’ २००७ को फाइनलमा ब्राजिलले अर्जेन्टिनालाई ३-० ले हराएको थियो ।