फ्रान्स हंगेरीसँग हारबाट जोगियो

काठमाडौं – युरोकपअन्तर्गत शनिबारको खेलमा फ्रान्स र हंगेरी बराबरीमा रोकिएका छन् । हंगेरीको घरेलु मैदानमा भएको खेलमा उनीहरुले १-१ को बराबरी गरेका हुन् ।

पहिलो हाफको थप गरिएको समयमा अटिला फिओलाले गोल गर्दै हंगेरीलाई अग्रता दिलाएका थिए । उनले रोनाल्ड सलाइको पासलाई सदुपयोग गरे । ६६ औँ मिनेटमा एन्टोनी ग्रिजमनले गोल गर्दै फ्रान्सलाई बराबरीमा ल्याए ।ब

राबरीसँगै फ्रान्स २ खेलबाट ४ अंक जोड्दै समूह ‘एफ’को शीर्ष स्थानमा उक्लिएको छ । हंगेरी १ अंकका साथ तेस्रो स्थानमा छ । फ्रान्सले पहिलो खेलमा जर्मनीलाई १-० ले हराउँदा हंगेरीले पोर्चुगलसँग ३-० को हार बेहोरेको थियो ।