स्पेनका कप्तान सर्जियो बुस्केट्स कोरोना मुक्त

काठमाडाैं – स्पेनिस फुटबल टिमका कप्तान सजिर्यो बुस्केट्स कोरोना मुक्त भएर युरो कप खेल्ने टोलीमा सामेल भएका छन् । स्पेनिस फुटबल संघले शुक्रबार उनको कोरोना रिपोर्ट नेगेटिभ आएको जानकारी गराएको हो ।

कोरोना पुष्टि भएपछि उनले युरो कप अन्तर्गत स्विडेन विरुद्धको पहिलो खेल गुमाएका थिए । यो खेलमा स्पेन गोलरहित बराबरीमा रोकिएको थियो । समूह ‘इ’ मा रहेको स्पेन १ अंकका साथ तेस्रो स्थानमा रहँदा स्लोभाकिया ३ अंकका साथ शीर्ष स्थानमा छ ।

उसले आफ्नो दोस्रो खेलमा शनिबार पोल्यान्डसँग प्रतिस्पर्धा गर्दैछ । यो खेलमा बुस्केट्स उपलब्ध हुने स्पेनिस फुटबल संघले बताएको छ ।