काठमाडौं – विश्वकप क्वालिफायर्स अन्तर्गत समूह बी को आफ्नो अन्तिम खेलमा नेपालले आज अस्ट्रेलियासँग खेल्दैछ । बेलुकी पौने १० बजेबाट सुरु हुने खेलका लागि नेपाली टोलीको सुरुवाती ११ सार्वजनिक भएको छ ।
जोर्डनसँग खेलेको टिमभन्दा अस्ट्रेलियाविरुद्धको खेलमा प्रशिक्षक अब्दुल्लाह अलमुताइरीले फरक सुरुवाती ११ बनाएका छन् । जसमा एरिक बिष्ट, विशाल राई, गौतम श्रेष्ठ र नवयुग श्रेष्ठले सुरुवाती सेटमा स्थान बनाएका छन् । अघिल्लो सेटबाट अन्जन बिष्ट, अभिशेक रिजाल, दीनेश राजबंशी र सन्तोष तामाङ बेन्चमा रहेका छन् ।
समूह बी मा आफूले खेलेको सबै खेलमा शतप्रतिशत जित निकालेको अस्ट्रेलियासँग चाइनिज ताइपेइसँगको दुई खेलमा जित र अन्य खेलमा पराजय ब्यहोर्दै तालिकाको चौथो स्थानमा रहेको नेपालले प्रतिस्पर्धा गर्नेछ ।
फिफा वरीयताको ४१ औं स्थानमा रहेको अस्ट्रेलियाले यसअघिको खेलमा नेपालमाथि ५-० को सानदार जित निकालेको थियो । आज हुने खेलमा नेपाल र अष्ट्रेलिया कुवेतस्थित जावेर अल अहमेद इन्टरनेसनल स्टेडियममा बेलुकी पौने दश बजे आमने सामने हुनेछन् ।
यस्तो छ नेपालको सुरुवाती ११ :-
