नेपालमा एकैदिन १२४६ जनामा देखियो कोरोना, संक्रमितको संख्या ५० हजार नाघ्यो

काठमाडौं – नेपालमा पछिल्लो २४ घण्टामा १२४६ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयले नियमित पत्रकार सम्मेलनगरी संक्रमित संख्या ५० हजार नाघेको जनाएको छ ।

मन्त्रालयका अनुसार, बिहीबार थपिएको सहित नेपालमा संक्रमित हुनेको संख्या ५० हजार ४६५ पुगेको छ । त्यस मध्ये ७१ प्रतिशत संक्रमित निको भएका छन् । बिहीबार १८१८ जना संक्रमित निको भएका छन् । अहिलेसम्म निको हुनेको संख्या ३५ हजार सात सय जना पुगेको मन्त्रालयले जनाएको छ ।

देशभर १४४४८ जना संक्रमित उपचारत छन् । त्यस मध्ये आठ हजार १० जना संस्थागत र ६ हजार ४३८ जना होम आइसोलेसनमा छन् । पछिल्लो २४ घण्टामा पाँच जनाको कोरोना संक्रमणबाट मृत्यु भएको छ । यो सँगै कोरोनाबाट मृत्यु हुनेको संख्या ३१७ पुगेको छ ।