नेपालमा एकैदिन अहिलेसम्मकै सर्वाधिक ११ जनाको कोरोनाबाट मृत्यु

काठमाडौं – नेपालमा कोरोना भाइरसको संक्रमणबाट एकैदिन ११ जनाको मृत्यु भएको छ । स्वास्थ्य मन्त्रालयका प्रवक्ता डा. जागेश्वर गौतमले पछिल्लो २४ घण्टामा कोरोना संक्रमणबाट देशभर ११ जनाको मृत्यु भएको पुष्टि गरे ।

प्रवक्ता गौतमका अनुसार कोरोना संक्रमणबाट मोरङ, पर्सा, बारा, सप्तरी, सर्लाही, काठमाडौं, ललितपुर, चितवन, मकवानपुर, दोलखा र प्यूठानमा एक महिलासहित ११ जनाको उपचारका क्रममा मृत्यु भएको हो । योसँगै नेपालमा कोरोना संक्रमणबाट मृत्यु हुनेको संख्या १३७ पुगेको छ ।