सुनको भाउ एकैदिन प्रतितोला ६ हजार २ सय रुपैयाँ घट्यो

काठमाडौं – लगातार उकालो लागिरहेको सुनको भाउ आज भने ह्वात्तै घटेको छ । मंगलबारको तुलनामा बुधबार सुनको भाउ ६ हजार २ सय रुपैयाँले घटेको हो ।

बुधबार सुन प्रतितोला ९५ हजार ४ सयमा कारोबार भइरहेको महासंघले जनाएको छ । यसअघि मंगलबार सुन एक लाख एक हजार ६ सयमा कारोबार भएको थियो । त्यस्तै तेजावी सुनको मूल्य प्रति तोला ९४ हजार ९ सयमा कारोबार भइरहेको छ ।

त्यस्तै बुधबार चाँदीको मूल्य पनि ठूलो गिरावट आएको छ । महासंघका अनुसार आज चाँदी प्रतितोला २२५ रुपैयाँले घटेर १ हजार २१० मा कारोबार भइरहेको छ । मंगलबार चाँदीको मूल्य एक हजार ४३५ प्रति तोला रहेको थियो ।