नेपालमा कोरोना संक्रमणबाट ज्यान गुमाउनेको संख्या ७० पुग्यो

काठमाडौं – विश्वभर महामारीको रुपमा फैलिएको कोरोना संक्रमणबाट नेपालमा थप ५ जनाको मृत्यु भएको छ । पछिल्लो २४ घण्टामा उपचारका क्रममा पाटन अस्पतालमा २ जना, विरगन्जमा २ जना र धरानमा १ जना गरी थ्प जनाको मृत्यु भएको हो ।

योसँगै नेपालमा हालसम्म ७० जना कोरोना भाइरस संक्रमितको मृत्यु भएको स्वास्थ्य तथा जनसंख्या मन्त्रालयले पृष्टि गरेको छ । संक्रमितको संख्या २२ हजार २ सय १४ छ भने १५ हजार ८ सय १४ जना निको भएर घर फर्किएका छन् ।