काठमाडौं – कोरोना उपचार र रोकथामका लागि अत्यावश्यक स्वास्थ्य सामग्री निर्यातमा सरकारले रोक लगाएको छ ।
सम्भावित जोखिममा आभाव नहोस भन्दै औषधि, मास्क, सेनिटाइजर, पीपीई र स्वास्थ्यकर्मीलाई आवश्यक पर्ने पन्जा निर्यातमा रोक लगाएको भन्सार विभागले जनाएको छ ।
कोरोना सुरक्षाका लागि नभइ नहुने पाँच थरीका बस्तुहरु निर्यातमा शनिबारदेखि रोकिएको भन्सार विभागका महानिर्देशक सुमन दाहालले अनलाइनखबरलाई बताए । कसैले त्यस्ता बस्तु निकासी गर्न खोजेमा रोक्न सबै भन्सार कार्यालयहरुलाई पत्राचार गरिसकिएको पनि उनले बताए ।
उद्योग वाणिज्य तथा आपूर्ति मन्त्रालयको आग्रहमा स्वस्थ्यसँग अत्यावश्यक बस्तुको निर्यातमा रोक लगाइएको दाहालको भनाइ छ ।
