काठमाडौं– मिलन चाम्सको निर्माण तथा निर्देशन रहेको फिल्म ‘वीर विक्रम २’ को पहिलो गीत सार्वजनिक गरिएको छ ।
बिहिबार राजधानीमा एक कार्यक्रमका बीच गीत सार्वजनिक गरिएको हो । हिमाली भेगमा खिचिएको गीतमा पल शाह, बर्षा शिवाकोटी र नजिर हुसेन लगायतको अभिनय देख्न सकिन्छ । कुसुम गजमेरको शब्द तथा रञ्जित गजमेरको संगीत रहेको गीतमा मेलिना राईको स्वर छ ।
‘देउता’ फिल्ममा समावेश ‘पिरतीको मिठो तृष्णा’ गीत रिमेक गरेर यस फिल्ममा राखिएको छ । गीतमा कविराज गहतराजले कोरियोग्राफी रहेको छ । चाम्स इन्टरटेन्मेन्ट र लण्डन सिने आईको सयुक्त ब्यानरमा निर्माण भएको फिल्ममा अपर्ण सापकोटा सहनिर्माताको रुपमा रहेका छन् ।
पल, वर्षा र नाजिरसँगै फिल्ममा विनिसा भण्डारी, बुद्धि तामाङ, बालकलाकार मनिष लिम्बु, देशभक्त खनाल, शिशिर राणा, मनोज केसी, सन्तोष खनाल, क्षितिज शाक्य लगायतका कलाकारको मुख्य भूमिका रहेको छ ।
‘विर विक्रम २’ मा रञ्जित गजमेर, राजनराज शिवाकोटी, ताराप्रकाश लिम्बुको संगीत, कविराज गहतराजको कोरियोग्राफी, हिमाल केसीको द्धन्द्व, बनिष शाहको सम्पादन रहेको छ ।
