काठमाडौँ – नेपाली गीत संगीतको क्षेत्रमा बिगत आठ बर्ष यता संघर्षरत नरेश खाती क्षेत्रीको सुमधुर स्वरमा “छायाँ देख्न पाम” बोलको गीत बजारमा आएको छ ।
नरेश खाती क्षेत्री कै व्यक्तिगत युट्युब च्यानलबाट सार्बजनिक गरिएको यस गीतमा नरेशलाई बिजय रनपाल र देवी घर्तीको पनि स्वरमा साथ मिलेको छ । आफुले माया गरेको मान्छे आफु बाट टाढा भए पछी भेट्न कै लागि भौतारिएको यस गीतको भावलाई बिजय रनपाल र दिप रनपालले लेखेका हुन् ।
गीतको लय गायक नरेश खाती क्षेत्रीले नै तयार पारेका हुन् । निकै मन छुने भाव लहरीमा तयार भएको यस गीतको म्युजिक भिडियोमा नरेश खाती क्षेत्री आरति परियार र रमेश बाबु थापाको अभिनय देख्न सकिन्छ ।
यसअघि रँदै रुँदै तिम्रो शहर बोलको गीतको अभिनयमा एकदमै चर्चा कमाएर खातीले यो गीतमा पनि निकै मन छुने अभिनय गरेका छन् । गीत सँगै उनको अभिनयलाई लिएर धेरैले प्रशंसा भएको छ ।
“छायाँ देख्न पाम” बोलको गीतको म्युजिक भिडियोलाई निर्देशन प्रविन भट्टले गरेका हुन् भने छायांकन दुर्गा पौडेल र सम्पादन प्रविन भट्टले गरेका छन् । गीत बिजय रनपाल र आरति परियारको नाम मा बजारमा आएको हो ।
भिडियो हेर्न तल क्लिक गर्नु होला ।
