काठमाडौं – गोरखा चौतारीको प्रस्तुतीमा रहेकाे “रातो टुनि टारी खेत मुनि” बोलको गीत बजारमा आएको छ । पछिल्लो समय एकपछि अर्को गर्दै चर्चित गीतहरु बजारमा ल्याउन क्रममा रहेको चौतारीले यो गीत सोमवार मात्र बजारमा ल्याएको हो ।
गीतलाई काठमाडौंमा एक समारोहको आयोजना गरि विमोजन गरिएको हो । विमोजन कार्यक्रम गोर्खा चौतारी म्युजिक प्रा.लीका प्रबन्ध निर्देशक सुनिल लामिछानेको सभापतित्व र प्रमुख अतिथिको रुपमा राष्ट्रिय लोक तथा दोहोरी गीत प्रतिस्ठान नेपालका केन्द्रिय अध्यक्ष बद्री पङ्गेनी रहनुभएकाे थियाे ।
संचारकर्मी चन्द्रमणी गौतमको संचालन रहेको सो कार्यक्रममा हरि बल्लभ नेपाल, सुदर्शन आचार्य , माधब थापा, बिष्णु तामाङ, उमा श्रेष्ठ, अमृत खाती लगायत अन्य कलाकार र पत्रकारहरुको बाक्लो उपस्थिति रहेको थियो ।
गीतमा भिमसेन खतिवडाको शब्द र सङ्गीत रहेको छ भने किरण गौतमको थेगो, भिमसेन खतिवडा र राधिका ढकालको स्वर रहेको छ । गीतमा शंकर बिसिको निर्देशन, दुर्गा पौडेलको छायांकन, नवीन घर्ती मगरको सम्पादन रहेको छ । यस गीतको भिडियोमा शंकर विसी र बिनु शाक्यको अभिनय रहेको छ ।
