‘मेरो माया कतारमा’मा भन्दै नाचिन् बर्षा (भिडियोसहित)

काठमाडौं – चलचित्र ‘चौका दाउ’को नयाँ गीत सार्वजनिक भएको छ । यसअघि रिलिज भएको ‘राधा पियारी’ले पाएको चर्चासँगै नयाँ गीत ‘मेरो माया कतारमा’ रिलिज भएको हो । सार्वजनिक गीतमा चलचित्रका कलाकारहरू सन्तोष पन्त, विल्सन विक्रम राई, तैयव शाह, रविन्द्र झा, निर्मल शर्मा, वर्षा रावत, अजस्र ढुङ्गाना, सोनिका केसी फिचर्ड छन् ।

सार्वजनिक गीतमा शम्भुजित बास्कोटाको सङ्गीत, श्रीपुरुष ढकालको शब्ल तथा सङ्गीतकार बास्कोटा र सुमन गुरुङको स्वर रहेको छ । गीतलाई वसन्त श्रेष्ठले कोरियोग्राफी गरेका छन् ।  सौर्यजीत प्रोडक्सनको ब्यानरमा निर्माण भएको चलचित्रमा सौर्यजीत बास्कोटा र मनोजराज भण्डारीको लगानी रहेको छ ।

चलचित्रमा शम्भुजित बास्कोटाको कथा, अभिमन्यु निरवीको पटकथा तथा संवाद, दीर्घ गुरुङको छायाङ्कन, मित्र डी गुरुङको सम्पादन रहेको छ ।

चलचित्रलाई पुर्णेन्दु झाले निर्देशन गरेका हुन् ।