काठमाडौं – पछिल्लो समयमा रुचाइएका र व्यस्त बनेका गायक मोहन खड्का र सन्ध्या बुढा अर्थात काउली बुढीको आवाजमा रहेका गीत एकपछि अर्को गर्दै बजारमा आईरहेका छन् । जुन गीतहरु दर्शक स्रोताले धेरै नै रुचाइएका पनि छन् ।
“बर्खा लाग्यो असिना र झरी” बोलको गीतबाट सुरु भएको उनीहरुको सहयात्रामा अहिले सम्म थुप्रै गीत बजारमा आइसकेका छन् । जसमा “फुलको थुँगा”, “टाढा हुँदैछु” , “हावा सरर “ बोलका गीत अत्याधिक रुचाइएका गीतहरु हुन् ।
खासगरी पछिल्लो समय सन्ध्या अर्थात काउली एपीवान टेलिभिजनबाट प्रसारण हुने नेपाल आइडलमा सहभागी भएपछि त भाईरल नै भएकी थिईन् । त्यसपछि अझैं उनको व्यस्तता पनि बढेको छ । यसैक्रममा शुक्रवार मात्र “मैलो रिबन” बोलको गीत बजारमा आएको छ ।
जुन गीत एकदमै आसा गरिएको गीत हो भनेर निर्माण पक्षले जानकारी दिएको छ । मोहन र सन्ध्या कै आवाजमा रहेको गीतमा बिष्णु खवास एकलको शब्द रहेको छ भने संगीत स्वयम गायक खड्काको नै छ ।
भावना म्युजिक प्रा.लीले बजार व्यवस्थापन गरेको गीतको म्युजिक भिडियो कपिल लामाले निर्देशन गरेका छन् भने विमल अधिकारी र सारिका के.सीको जिवन्त अभिनय देख्न सकिन्छ । गीतमा राम्रो प्रतिक्रिया पनि आईरहेको छ । सबैलाई रुवाउने खालको गीत बनेको छ भन्ने प्रतिक्रिया आएका छन् ।
यसअघिका गीतहरुले जस्तै यो गीतले पनि सफलता प्राप्त गर्ने आस गरेको निर्माण पक्षलाई सफलता मिलोस । समुद्रपारी डटकमको तर्फबाट शुभकामना ।
