काठमाडौं – चलचित्र ‘झमक बहादुर’को ट्रेलर सार्वजनिक भएको छ । यसअघि चलचित्रको टिजर सार्वजनिक हुँदा बलिउड चलचित्र ‘मुम्बई एक्सप्रेस’को कपि गरेको आरोप लागेको चलचित्रको अफिसियल ट्रेलर सार्वजनिक भएको हो ।
कमेडीले भरिएको ट्रेलरमा पैसाको लागी एक बालिकाको अपहरण गरिएको देखाइएको छ । ट्रेलरमा अनुप विक्रम शाही फरक भूमिकामा प्रस्तुत भएका छन् ।
दियालो इन्टरटेन्टमेन्टको ब्यानरबाट निर्माण भएको चलचित्रलाई भोमन कटुवालले निर्देशन गरेका हुन् । चलचित्रमा अभिनेता अनुप विक्रम शाही, यादव देवकोटा ‘सरापे’, राजु कमेडी, सुजता थापा, मिन बहादुर तामाङ, नियोना गुरुङ लगायतका कलाकारको अभिनय रहेको छ ।
मिन बहादुर तामाङको निर्माण रहेको चलचित्रमा कोपिला कुमारी दल्लाकोटी सह निर्माता हुन् । चलचित्रमा कथा कल्यान अधिकारीको रहेको छ भने संवाद राजेन भुजेलको रहेको छ । चलचित्रको सम्पादन अनिल कुमार महर्जनले गरेका हुन् ।
